Na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara colle un enorme disgusto. Para consolala o seu pedriño cóntalle a historia do boneco, xa que o Crebanoces é, en realidade, un valente personaxe que loitou co seu exército de xoguetes contra a raíña dos ratos.
O Crebanoces é un espectáculo para títeres inspirado no conto de Hoffmann, e no que se emprega a música que creou Tchaikowsky, soando por enteiro a suite do Crebanoces. O espectáculo está dirixido a público familiar co que os rapaces e rapazas pasaranno fenomeal en compañía dos seus pais, avós, amigos...

Data: 27 de decembro
Horario: de 17:00 a 18:00 h
Lugar: Auditorio da Biblioteca de Galicia
Público: Familiar
Nº de prazas: 120

Observacións: de balde, precisa inscrición no web