Con motivo da conmemoración do Día da Narración Oral, a Biblioteca de Galicia organiza este obradoiro no que se narrará un conto empregando a papiroflexia. Un conto clásico, dos que se transmiten de xeración en xeración.

A papiroflexia ou origami, que podemos considerar unha arte, unha ciencia ou un pasatempos, ten unha grande importancia no aprendizaxe das matemáticas, xa que a súa beleza radica na súa perfecta e simple xeometría. En cada anaquiño de papel podemos atopar patróns xeométricos, combinacións de ángulos e rectas que permiten que unha simple folla de papel se transforme en diferentes e interesantes formas.

Neste obradoiro a partir dun conto iremos transformando o papel en diferentes figuras.

Data: 9 de febreiro

Horario: de 11:00 a 13:30 h

Lugar: Sala I da Biblioteca de Galicia

Público: Maiores de 8 anos

Nº de prazas: 40

Observacións: de balde, precisa inscrición no web