Parámetros

Esta é a opción que nos permite definir comportamentos en diversos formularios da aplicación.

A continuación vemos as posibles parametrizacións dispoñibles nos distintos bloques de configuración.

1.- Selección de documentos que cando se xeren estarán formatados para levar firma dixital:

2.- Configuración de cabeceira e firmas de documentos:

Selección de sinaturas e documentos: pódense seleccionar as sinaturas para cada documento e as posicións de cada unha no documento. Todos os campos son de selección e os valores cárganse de Configuración->Táboas auxiliares->Sinaturas 

Se o campo Imprimir cabeceira corporativa está en Si os documentos levarán na parte superior o logo Xunta á esquerda e os datos da habilitación á dereita. Os datos da habilitación son extraídos de Configuración->Información habilitación. Exemplo:

3.- Outros valores por defecto:

Comportamentos particulares:

• Tipo retención por defecto é un campo que nos permite precargar o valor dun % de retención por defecto ao rexistrar facturas. É útil para aquelas habilitacións que xestionan a maioría das súas facturas con retencións. O valor seleccionado aparecerá no campo Tipo retención de altas de facturas
• Rexistrar varias facturas mesmo provedor por defecto é un campo no que seleccionamos o valor Sí ou Non. É útil para usuarios que rexistran facturas a lotes dos mesmos provedores
• Número resultados en listaxes é o campo onde seleccionamos o número de liñas que queremos que nos mostre o programa por pantalla nas listaxes
• Validar números de conta é un campo no que seleccionamos o valor Sí ou Non, se a selección é Si permite que cada vez que introduzamos unha C/ C o programa valide se é correcta
• Validar departamento  é un campo no que seleccionamos o valor Sí ou Non, se a selección é Si o programa obriga a seleccionar un departamento cada vez que rexistremos facturas
• Valor por defecto tipo obribación e Valor múltiple. Se marcamos Valor múltiple a habilitación pode xestionar distintos tipos de obrigacións. Desde unha previsión inicial / presuposto de gasto ata a factura final. No caso que non se marque este campo a habilitación xestionará unicamente o tipo de obrigación Factura.
• Valor por defecto clave perceptor para aquelas habilitacións que xestionan a maioría das súas facturas con retencións. O valor seleccionado aparecerá no campo Clave perceptor de altas de facturas
• Concepto da orde SEPA 34.14, o habilitado pode seleccionar se na orde de pago do ficheiro modelo Q34 o concepto das facturas levan o valor fixo Pago factura e o número da factura ou o concepto da factura. Este valor é o que aparece nos extractos bancarios remitidos ao habilitado
• Límite de gasto define o límite de gasto dun provedor na habilitación. Unha vez chegado ou pasado este límite a habilitación avisará cada vez que se queira xestionar facturas deste provedor
• Aviso de gasto mínimo para xustificar (%), no caso de que a xustificación do gasto non chegue ao % mínimo parametrizado avisará desta circunstancia
• Aviso prazo máximo para xustificar dende o ingreso (en días), no caso de que a xustificación do gasto exceda o máximo de días sinalados avisará desta circunstancia

Por último para facer efectivos estes parámetros hai que picar no botón Gardar. estes parámetros pódense cambiar en calquera momento