A Biblioteca de Galicia celebra o Día da Ilustración 2025 con actividades destinadas ao público familiar
Xosé Vizoso deseñou algunhas das pezas máis bonitas de Sargadelos e centos de carteis de festas populares que xa son icónicos da cultura galega. Neste obradoiro, que se imparte o próximo sábado 15 de febreriro da man de Yago García, a cativada poderá coñecer e rendir homenaxe ao seu traballo, debuxando ao seu estilo e creando ilustracións únicas.
Os máis pequenos aprenderán a contar historias con debuxos nunha actividade divertida e creativa e poderán levar unha obra feita por eles mesmos para lembrar na casa a este gran artista.
Información práctica
Data: 15 de febreiro
Horario: de 17:30 a 19:00h
Lugar: Aula 1 da Biblioteca de Galicia
Público: cativada de entre 8 e 12 anos
Importante:
- De balde, previa inscripción na web da Cidade da Cultura ata esgotar as 15 prazas.
- Cada persoa deberá realizar unha reserva por cada cativo/a.
- Os obradoiros non admiten persoas adultas acompañantes.
