Caderno botánico

Descubre o apaixonante mundo das plantas a través deste obradoiro de ilustración con acuarela, onde traballaremos unha mirada diferente.

A natureza é un mundo apaixonante no que nunca deixamos de descubrir cousas novas e o caderno de debuxo é o medio perfecto para rexistralas. Traballaremos con elementos botánicos, principalmente follas, as cales aprenderemos a mirar con ollos curiosos e analíticos para despois debuxalas e pintalas con acuarelas ao máis puro estilo do explorador naturalista.

Non fai falta saber ilustrar nin é necesario ter experiencia previa coas acuarelas, só ter ganas de observar e gozar da natureza. Malia que se proporcionará o material necesario, @s asistentes poden traer as súas propias ferramentas de debuxo.