E ti de quen vés sendo? Aprende a identificar madeiras xogando

Neste obradoiro a rapazada aprenderá xogando sobre arqueobotánica, a ciencia que estuda as plantas que utilizaban as persoas hai moitísimos anos. 

Os rapaces e rapazas converteranse en pequenos/as investigadores/as do Laboratorio de Arqueobotánica do INCIPIT (CSIC). Mirando cunha lupa os carbóns que aparecen nas escavacións arqueolóxicas e xogando con imaxes ampliadas de diferentes tipos de madeira, tentaremos adiviñar de cal se trata. 

Descubriremos como é por dentro unha árbore, que historias quedan gravadas nos seus aneis, para que se usaba a madeira antigamente e moito máis.