O motivo é a celebración de varios eventos musicais na Praza Central da Cidade da Cultura
Informamos ás persoas usuarias que o edificio da Biblioteca e Arquivo de Galicia permanecerá pechado os próximos 5, 6, 12 e 13 de xuño a partir das 15.00 horas debido á celebración de diferentes eventos musicais na Praza Central da Cidade da Cultura.
O venres 5 e o sábado 6 de xuño terá lugar o Wake up SDC, o festival que reúne DJ e artistas nacionais e internacionais en dúas xornadas dedicadas á música electrónica.
O venres 12 de xuño será a quenda da primeira edición de El Campus, un novo festival universitario con música en directo, DJ, food trucks, barras, xogos e diferentes actividades ao longo da noite.
E, por último, o sábado 13 de xuño celebrarase o PetaZeta Pop XXL, unha festa de tardeo ao aire libre con música centrada nos grandes éxitos dos anos 90 e 2000.
Para máis información sobre estes eventos, pódese consultar a páxina web da Cidade da Cultura. Sentimos as posibles molestias ocasionadas e rogamos comprensión ás persoas usuarias.