Obradoiro de banda deseñada | Como se fixo 'Rosalía Oculta'. Anímaste a crear a túa?

Queres aprender a crear unha banda deseñada? A Biblioteca de Galicia conmemora o Día do Cómic cun obradoiro que achega o proceso de elaboración dende 0 dunha narrativa ilustrada da man de Paula Mayor, autora de Rosalía Oculta, que foi Premio Castelao de Banda Deseñada en 2023.

Nesta actividade, dirixida á rapazada a partir de 15 anos, farase un percorrido pola historia do cómic e do proceso de creación dunha narrativa. A través da obra Rosalía Oculta, veranse os pasos a seguir para crear unha banda deseñada a partir dunha biografía e construír un personaxe dende súas vivencias. 

O obradoiro abarcará todas as fases do proceso de creación: a cronoloxía, a documentación, a sinopse, o storyboard... e tamén ferramentas narrativas como a cor ou a simboloxía. Ademáis, contará cunha práctica para liberar e estimular a creatividade. 

Para participar na actividade non é preciso ter experiencia previa coa banda deseñada nin saber ilustrar. Nela se proverá de todos os materiais necesarios, mais os participantes tamén poden traer as súas propias ferramentas de debuxo.