A Biblioteca de Galicia celebra a efeméride este xoves 24 de outubro cunha visita guiada e agasallos de libros
Este xoves 24 de outubro celébrase o Día das Bibliotecas e a Biblioteca de Galicia organiza unha xornada de portas abertas moi especial na que, a través dunha visita guiada, os visitantes poderán descubrir os lugares menos coñecidos do centro.
Da man do persoal técnico, coñecerán polo miúdo os servizos que presta a institución, os diferentes tipos de materiais que se conservan e accederán a espazos de acceso restrinxido que conservan as obras máis importantes do noso patrimonio bibliográfico galego.
Ademais, ao longo da xornada, regalaranse bolsas sorpresas de libros ás persoas visitantes ata esgotar existencias.
Información práctica
Visita guiada de 12.00 a 13.00
Reservas en bibliotecadegalicia [at] xunta.gal (bibliotecadegalicia[at]xunta[dot]gal)
Capacidade: 20 persoas
